It famke mei de hûn

It famke mei de hûn

troch: Ytsje Hettinga

It is in toanielstik

tink ik

in film of

in oefening foar as

der rampen komme

ik sjoch huzen sûnder

finsters en doarren

sûnder dakken

sûnder muorren selfs

gebouwen mei ferlerne

tuorren en brêgen op

it liif yn it wetter

auto’s sûnder ruten op

lekke bannen dêr’t doarren

iepenslein yn ’e modder hingje

minsken sjoch ik op stoepen en

op strjitten foaroerlizzend of

op ’e rêch langút of

rûngear

dan sjoch ik in famke mei

in hûn by in jiske-amer

ik sjoch dat it in

echt famke is en in

echte hûn…