Yn it tsjuster fan de iere moarn
lit ik myn dreamen fleane
mei in gouden winskballon
as út in mearkelân
De binnenkant beplak ik
mei de swietste tinzen
betocht yn lange nachten
doe’t ik út de swarte loft
siden flinters knipte
swierige letters set ik op
de side fan papier
En as myn winsken falle
dan kin in oar se fine
nije wjukken slút ik by
se baarne sûzjend yn ‘e sinne
en lichter fiel ik my
sa licht dat ik noch krekt net
opstiich foardat de wekker giet
