Us klasse is de drokste,
gjin learaar dy’t ús mei.
Fan fierren kinst ús hearre
sa giet it der omwei.
De dei begjint al goed,
de helte komt te let.
As frou de Jong wat sizze wol d
an lústerje wy net.
Nynke praat mei Hester
dat hâldt by har noait op.
As Wilco achteroerfalt
dan laket se har slop.
Hidde goait mei propkes
by Isa yn ’e jas
en Siebe sjocht wat sneu
der lekt wat yn syn tas.
De hiele dei dy drokte
by Ingelsk, Dútsk, technyk.
By skiednis fan mefrou de Boer,
by Faber en Van Dyk.
’t Is gaos alle dagen.
It sit ús mentor heech,
dy seurt de hiele mentorles:
‘Jim sifers bin’ te leech!’
Us klasse is de drokste,
mar net by menear Bril.
Dy man hat each foar elkenien
by him is ’t einlings stil!
