der brûzet in fûns troch it lân
flinterspinnen spanne gouden tiden
oer iepenloftspullen en terpebylden
yn bûter swimme fisken grinzen oer
meidwaan wol ik tusken
dûnsjende kij op wolken
boartsjend klauterje ik yn
beammen dy’t yn ‘e loft hingje en
it folksliet sjonge
tsjerketuorren rikke my de hân
swellen tippe de hoanne oan
tútsje ûlen út ‘e nacht
foar‘t de moanne komt
roppe fleanende kikkerts
om kultuer yn kastielen
it doarp rint út
it reint minsken
yn eigen taal
yn huzen fol ferhalen sil ik
oer read wetter nei de sinne sile
mysels wekker spegelje yn
stedske fonteinen
