Soms wurde saken sa ûnwichtich
en stiet de wrâld op syn kop
Soms is yn wurden net te fetsjen
hoe’t it no eins fierder moat
Soms glûpt alles troch jins fingers
en is der gjin paad werom
Soms falt in tsjinslach net te kearen
is it sa taastber rûnom
Soms is der inkeld ûnwissens:
wie it allegear foar neat?
Soms krijst gjin antwurd op fragen
Wie it no goed of ferkeard?
Soms falt der neat mear te ferliezen
Soms liket alles echt ferlern
Soms is der gjin útwei te finen
mar soms… wolst him ek net sjen
Wy ynvestearje mei Taalplan Frysk yn de kwaliteit fan Frysk ûnderwiis op alle skoallen en alle ûnderwiisnivo’s. Taalplan Frysk 2030 is in gearwurking fan Afûk, Cedin, Fers, Keunstwurk, NHL Stenden, Omrop Fryslân, Semko, SFBO en de provinsje Fryslân. Frysk, foar no en letter – www.taalplan.frl
Sneon 25 jannewaris is de finale fan Ferstival 2025. Wa wint dit jier de grutste foardrachtwedstriid fan Fryslân? Komsto te sjen? Wês wolkom, gratis en fergees en genietsje fan spoken word yn it Frysk! Sneon 25 jannewaris, 13.30 oere, Posthuis Theater It Hearrenfean.
Yn it skoft treedt Mayte op. Sy is in upcoming singer-songwriter en skriuwt al har prachtige nûmers sels. Sy sjongt yn it Frysk en sil ús yn it skoft genietsje litte fan har moaie stim.