Siferkanon

Fertrou op my 

It komt wol goed 

Ek al hie ik wer in ûnfoldwaande hjoed 

En liket it wolris  

As doch ik net myn bêst  

Dat ik altyd sit te dideljen of te kwebbeljen 

En noait wat lês 

Seker net de boeken op de boekelist 

Dat ik sa’n learling bin 

Dy’t sûnder briefkes lessen mist 

Ien dy’t yn plak fan op skoalle 

Leaver op de socials sit - 

Ja, ik wit it, ik wit it 

Jim bealgen jim froeger út de naad! 

Heit en mem wiene al hiel jong 

Altyd aktyf, altyd paraat. 

Nee, lit my no ris gewurde 

Ik kies myn eigen paad! 

En dus, fertrou op my 

It komt wol goed 

Ek al hie ik in ûnfoldwaande hjoed 

Mar ik stean noch hast in fiif, dus …. 

Watfoar oare sifers as ik hie? 

Oare sifers ha ik noch net. 

Noch gjin-ien. 

Se binne mei it neisjen let. 

Fertrou my mar, it is ècht wier. 







Publisearre yn Fersefariaasje edysje 2023