Ophokt 

Ik sit hjir yn myn hok allinne 
alle minsken komme lâns 
nea ris op besite 
of komsto no wol hjirhinne? 

 
Se tikje op myn ruten 
om te sjen oft ik wol sjoch 
goaie stientjes oer de râne 
om te sjen wat ik dan doch 

 
Se tikje op myn ruten 
Raze, skelle, folle mear 
Se tikje op myn ruten 
sjogge net myn hertesear 
 
Ik wol net mear… 

Ik wol net mear?! 
It moat net raarder 
“Ik wol net mear”?! 
just wol! 
Folle mear 
mear, Mear, MEAR 

 
Ik wol se tikje mei myn poat 
om te sjen oft se wol sjogge 
Brulle, Raze; idioat 

 
Ik wol se bite mei myn bek 
om te sjen wat se dan dogge 
Ik wurd hjir gek fan, gek, Gek, GEK 

 
Ik wol wat oars 
net mear allinne 
… 
Oars komsto nochris hjirhinne? 
Noch in býtsje tichteby… 
En sjoch ik dêr no wier in skuor 
yn ’t rút tusken dy en my? 
Myn kâns 






Publisearre yn Fersefariaasje edysje 2023