fleurich, soms ferwûndere
scroll ik oeren op myn tiidline
fan boppen nei ûnderen
hij stiet wer fol mei feed
dy’t in belutsen freon
beslist net misse wol
kykjes fan kekke kleanoankeapen
kappersbesite, fan dat coole merk
pear nije gympen en mei Tsjerk
echt te gesellich earne ite
Femke mei elektryske fyts útsykje
freondintsje Silvie post super moaie selfie
en buorfrou harren famke mei de fraach
op wa soe ús Lieke no wol lykje
Fleurke kin wol fleane
tûzen flinters yn har liif
mar Jitske kin wol janke
foar Frânsk net iens in fiif
ik like en swipe dat it in lust is
myn tiidline stiet wer fol mei feed
dy’t ik net heal dochs misse wol
fleurich, soms ferwûndere
scroll ik werklik hiel sosjaal
oeren fan boppen nei ûnderen
Publisearre yn Fersefariaasje edysje 2023
