Wy planne ús fakânsje
meastentiids mei âld en nij.
Der is dan faak wat ekstra jild
en elkenien hat frij.
Mem sit foar op ’e kompjûter,
wy pakke ús telefoan.
Heit prutst achter op ’e laptop,
by ús is dat hiel gewoan.
Nei in oerke komt der leven,
mem wol graach nei Afrika.
Heit seit nee, dy giet it leafste
nei Iislân of nei Laplân ta.
In stêdetrip of jungletocht
falt ek by elk net yn ’e smaak
We roppe allegear wat oars
mar ’t is net ien kear raak.
Myn broer seit bergen, ik sis see,
Japan is krekt te djoer.
En sa bliuwt, lykas alle jierren,
gesellich, Flylân oer…
