de beam stiet bryk yn ‘e westewyn
stoer yn ‘e bocht bewarret hy in geheim
hy wit mear as in oar en hâldt him stil
bonkige bast hâldt de kaart tsjin it boarst
yn wyt en griis is dêr dy jonge dy ‘t laket
yn waar en wyn eltse kear as wy
der del fytse de skoaltas op ‘e pakjedrager
it tillefoantsje yn ‘e hân
de jonge glimket en docht der it swijen ta
like âld as wy is hy ferstienne yn in momint
wurden ta fossyl oan in brike beam
de bast skansearre troch de klap
ûnder de beam lizze blommen
love en RIP in namme derby en in datum
de jonge laket syn wite tosken bleat
en stoareaget by ús del nearne nei