As ik jûns allinnich thús bin
dan wurd ik wolris bang
dat in dief hjir komme kin
ik stek dan grutte kearsen oan
dy baarne lekker lang
Mar as ik om my hinne sjoch
dan wurd ik alwer kjel
wêr’t ik ek bin, wat ik ek doch
oeral kinne spinnen sitte
dy’t krûpe oer myn fel
En as de tonger raast, o nee
dan bin ik sa benaud
ik set in pot kamilletee
en krûp ûnder in tekkentsje
dan fielt it wer fertroud
Doar op slot, kearskes oan
in tekken oer, de tee is set
ik sit hjir smûk en sa gewoan
wat makket my noch bang?
Ik wit it earlik net.
