Alle dagen rint er mei de hûn
by ús foar de finsters del
nee, dat sis ik net goed
hy rint op ‘e dyk en ik
sjoch him troch it rút fan
it kajút dêr’t ik oan myn buro
sit te húswurk meitsjen
hy hat in griene jas oan
alle kearen wer deselde
en in blauwe broek
nea wat oars
lange grize hieren
stekke him ûnder
de mutse wei
earder luts de man de hûn
sûnt in pear moanne lûkt
de hûn de man
de lêste wike liket de earm
fan de man alle dagen
langer te wurden
juster tocht ik moarn
stek ik de hân nei him op…
